Garantir unha educación de calidade e libre de violencia contra as nenas.

As escolas deben ser espazos protectores e seguros, con infraestruturas escolares inclusivas e adecuadas que promovan, na comunidade escolar, a reflexión e toma de conciencia sobre as normas de xénero desiguais que perpetúan a violencia cara as nenas.

Ademais, os Estados teñen a obriga de aumentar o financiamento na educación ata, polo menos, o 6% do Produto Interior Bruto (PIB), de modo que poidan garantir o dereito á educación a todas as nenas e os nenos.

Xerar mecanismos de denuncia e de resposta á violencia que sexan accesibles, confidenciais e apropiados

As vítimas nunca son culpables e o foco debe poñerse no agresor. As estruturas legais e de protección existentes, con frecuencia, non protexen a privacidade das vítimas, desincentivando as denuncias por violencia.

Desenvolver sistemas de protección robustos ante a violencia contra as nenas que coordinen e involucren aos sectores da xustiza, servizos sociais, saúde e educación.

Para fomentar o reporte dos casos de violencia e acabar coa impunidade dos agresores.

É preciso tamén promover o traballo coordinado entre a Convención de Dereitos da Muller (CEDAW) e a Convención de Dereitos da Infancia (CDI) para que a protección das nenas sexa prioritaria.